ماڵد ک هاتە کۊچەمان ڕەسی وە قەڵبێ م ندا
سەر هاتییە ئاوارەگی داخەیلێ دنیا ئەلودا
عەترد وە قەی لباسەگەم تۆنی خیاڵێ خاسەگەم
ئومیدێ ڕووژێ بیکەسیم ئەڕای تۆنە هەناسەگەم
هەر جار ک نامەگەد ڕەسی وەتم وسم وە پای تۆ
ئەی گیان وە بوون تۆ ژییەم جوانییم فەدای تۆ
کەم کەم ئەگەر جەهان وا برد دڵم شادە کەسێ دیرم
مەردۆم تەمامیان زانن ک م هاناڕەسی دیرم
شەوەیلێ هەس وە خەو دۊنم دەسەیلد لە دەسم دۊرە
چەنی ترسم لە تەنیایی جەهان تاریک و بی نۊرە
وە ترسەو هیز گرم قەڵبم ڕەسی وە حاڵ خاسێ خوەی
مەگەر بوودن ک یەی ئایم زنێ بوو بی هەناسێ خوەی
ماڵد ک هاتە کۊچەمان ڕەسی وە قەڵبێ م ندا
سەر هاتییە ئاوارەگی داخەیلێ دنیا ئەلودا