شەوگارم وەک جاران نییە نازانم چۆن دەڕوات و دێت
بە ڕۆژگاریش لە خەڵوەتا گوێ هەڵدەخەم بۆ دەنگی پێت
نە سرتەیەک نە چرپەیەک حەیفێ لەلای تۆوە نایە
دوور بێ لە باڵات ئەم شارە هەر وەک چۆڵەوانی وایە
کێ ڕاسپێرم هەواڵ بەرێ بە کۆڕی گەرمی یارانە
کێ دڵنەواییم باتەوە لە جێی ئەو عەشقەی جارانە
تێپەڕی ڕۆی ئەو ڕۆژانە هەمووی وەکوو خەیاڵ وا بوو
هەرچی بڕیار و پەیمانە وەکوو خەون و خەیاڵ وا بوو
بە دەستی کێ گۆش کراوی وا هێندە دڵ ئەڕەنجێنی
ئەڵێی زەمانەی بێ وەفای هەر رۆژە و ڕەنجێ ئەنوێنی
هەر رۆژە و ڕەنجێ ئەنوێنی
شەوگارم وەک جاران نییە نازانم چۆن دەڕوات و دێت
بە ڕۆژگاریش لە خەڵوەتا گوێ هەڵدەخەم بۆ دەنگی پێت
نە سرتەیەک نە چرپەیەک حەیفێ لەلای تۆوە نایە
دوور بێ لە باڵات ئەم شارە هەر وەک چۆڵەوانی وایە