مزگێنی بێ هات ساڵی نوێ
خۆشی دوای خۆشی جوێ بە جوێ
بڵێن بەخت چیدی نەنوێ
ئەستێرەی مەش سەری ناسوێ
جێژنە جێژنە جێژنە جێژنی نەورۆزە
وەرن با بە دڵ بیکەین جێژنە پیرۆزە
سەری قەندیلی خاڵ خاڵە
لێی شین بوو سوێسنە و هەڵاڵە
هەوای دەنگی ئەو شمشاڵە
هاوار دەکا هۆهۆ خاڵە
جێژنە جێژنە جێژنە جێژنی نەورۆزە
وەرن با بە دڵ بیکەین جێژنە پیرۆزە
لەسەر ڕا دێ ئاوی هەڵدێر
سەحرا شینە و مەزرا زنوێر
حاحای شوانە و دەنگی بلوێر
زۆرمان دی دەوری تاڵ و سوێر
جێژنە جێژنە جێژنە جێژنی نەورۆزە
وەرن با بە دڵ بیکەین جێژنە پیرۆزە
شینی خوێنی لاوی کوردن
هەرچی گوڵی سوور و لالەن
لەسەر مەزاری شەهیدان
شلێران مەردەنگی و لالەن
جێژنە جێژنە جێژنە جێژنی نەورۆزە
وەرن با بە دڵ بیکەین جێژنە پیرۆزە
هۆنراوە: حەقیقی