ئەی دلێران بەچکەشێران
بەسیە هەستن لە خەو وا بەیانە
بۆ بەرزی گەلی کورد
تێکۆشن دەستوبرد
بۆ بەرزی نەتەوەی کورد
تێکۆشن دەستوبرد
چاوی لێتانە داکی وەتەن
عالەم ئەمڕۆ هەر خەریکە هەوڵ ئەدا بۆ بەرزێتی ژیانی
یەکگرن پێشکەون ڕاپەڕن سەرکەون
چاوی لێتانە دایکی وەتەن
مەکتەبە دەرمانی ئێمە
خوێندنە ڕێبەری ڕێی ڕزگاری
هەستن ئەی لاوی کورد
تێکۆشن دەستوبرد
چاوی لێتانە داکی وەتەن
مەکتەبە دەرمانی ئێمە
خوێندنە ڕێبەری ڕێی ڕزگاری
چارەسازان کاربەدەستان
بۆچی وا مات و بێدەنگ و دوورن
ئۆباڵی نەتەوەی کورد لە ئەستۆی ئێوەیە
چاوی لێتانە دایکی وەتەن
هۆنراوە: فایق بێکەس