ئازیز بە گیانۆ

ئازیزم ئاهیر دووریی باڵای تۆ
جەستەم کەرد وە بووڵ، شەماڵ بەرد پەی کۆ
هەر ساتێ دووریت سەد ساڵەن جە لام
دەردم کارییەن وە سەرگەردت بام
ئازیز بە گیانۆ وێنەی پەروانێ
وێڵ وێڵ مەگێڵۆ سەرعی و دێوانێ

موتریب بەو نەغمەی شانازیتەوە
یا بەو پەردەی پاک حیجازیتەوە
بوڵەندکەر سەدای سازێ دڵتەنگی
بەڵکەم بێدار بوو جەی خاوی سەنگی
ئازیز بە گیانۆ وێنەی پەروانێ
وێڵ وێڵ مەگێڵۆ سەرعی و دێوانێ

نەمام بە گیانوو دڵ بووە کەبووتەر
هەر شەو دەمناڵاند تا سوبحی سەحەر
ئایێسە پیری سەرسامم کەردەن
وەک سکەی قەڵب بەدنامم کەردەن
ئازیز بە گیانۆ وێنەی پەروانێ
وێڵ وێڵ مەگێڵۆ سەرعی و دێوانێ
ئازیز بە گیانۆ وێنەی پەروانێ
وێڵ وێڵ ئەگەڕێم سەرعی و دێوانێ