وڕ و کاس و سەرگەردان نیم
دەستەمۆی ئەشکی گریان نیم
هەرچەن بە ئازاد تەزیوم
سەربزێو بووم نەبەزیوم
ژانی زامی چەوساوەکان
خەم و ناڵەی داماوەکان
سەرچاوەی هۆش و هەستمە
خواست و هیوای مەبەستمە
بە درێژی ژین من ئامادەم
گۆمی مەنگی مەینەت ڕادەم
من ئەمەوێ ببمە بایە
خۆشەویستی مرۆڤ بەرم
بۆ گشت سووچی ئەم دنیایە
من ئەمەوێ سنوورداری نێوان مرۆڤ بسڕمەوە
من ئەمەوێ گشت ئازارێ لە ڕەگەوە ببڕمەوە
وڕ و کاس و سەرگەردان نیم
دەستەمۆی ئەشکی گریان نیم
هەرچەن بە ئازاد تەزیوم
سەربزێو بووم نەبەزیوم