نەجمەدین غوڵامی
ناسر ڕەزازی
دەمەکەت کانی ئاو لێ بخواردام سینەت باخی بەی سەیری بکردام باران بارانە مەزرای کرد ڕەنگین یار خوداحافیز بە دڵێکی غەمگین #مەقام خاکی کووچەی یارەکەم ئیکسیری ساغی و ژینمە جوانی ڕۆخسار و نیگاری هێزی ئەژنۆ و تینمە بۆچی بەم دەردەم ئەبا خۆ خۆی دەزانی حاڵەکەم بۆ قژی ئاڵۆز و لوولی دایمە هەر شینمە هەر وەکوو پووش و پڵاش کەوتوم لە کووچەی یار دا گێژەڵووکەش نامفڕێنێ چوونکە کەعبەی دینمە گەر بە بێ تۆ بچمە سەیری باخ وسەرو شۆڕەبی تف لە سەرو و شۆڕەبی، بێ تۆ لە هەر دوو قینمە خەڵک ئەڵێن کفرە مەکە بەم تەرحە وەسفی یاری خۆت گوێ گرانی خۆشەویست من یارەکەم ئایینمە کەی خەیاڵم بێتە دیی یاران، بڵێم ئۆخەی منم واکە قۆڵی یاری خۆم ئەم شەو لە ژێر باڵینمە یاڕەبی شەو بێ ڕۆژ نەبێتەوە دەسم لە یەخەی یار نەبێتەوە باران بارانە مەزرای کرد ڕەنگین یار خوداحافیز بە دڵێکی غەمگین دڵێ لە ئەزەڵ سیاچارە بێ دەستی لێ مەدەن با ئاوارە بێ باران بارانە مەزرای کرد ڕەنگین یار خوداحافیز بە دڵێکی غەمگین
Demeket kanî aw lê bixwardam Sînet baxî bey seyrî bikirdam Baran barane mezray kird rengîn Yar xudahafîz be dilêkî xemgîn #meqam Xakî kûçey yarekem îksîrî saxî û jînime Ciwanî roxsar û nîgarî hêzî ejno û tînme Boçî bem derdem eba xo xoy dezanî halekem Bo qijî aloz û lûlî dayme her şînime Her wekû pûş û pilaş kewtum le kûçey yar da Gêjelûkeş namifirênê çûnke kebey dînime Ger be bê to biçme seyrî bax wiseru şorebî Tif le seru û şorebî, bê to le her dû qînme Xelk elên kifre meke bem terhe wesfî yarî xot Gwê granî xoşewîst min yarekem ayînme Key xeyalm bête dîy yaran, blêm oxey mnim Wake qolî yarî xom em şew le jêr balînme Yarebî şew bê roj nebêtewe Desim le yexey yar nebêtewe Baran barane mezray kird rengîn Yar xudahafîz be dilêkî xemgîn Dilê le ezel siyaçare bê Destî lê meden ba aware bê Baran barane mezray kird rengîn Yar xudahafîz be dilêkî xemgîn