نەجمەدین غوڵامی
وا خەریکە بازی غوربەت چاوی دڵم هەڵئەکۆڵێ هەر بە نینۆک لە دەشتی لاخ شەمامەی ڕۆح هەڵئەکۆڵێ لە من گەڕێ ئەی بازی گەڕ بە مردنیش پێت ناخورێم من لە خۆما دیوارێکم سەد نیشتمان پێت ناڕوخێم چاوم خێوەتی گەرمیانە و دڵم دەشتی شارەزوورە دەسم خوێنی سلێمانی و سەرم سنەی بە مەهجوورە قامەتم خۆ نەخشی قەڵای پیرە شاری هەولێریانە هەناسەم خۆ بۆن دووکەڵ نەورۆزەکەی کوردستانە با سەریشم لە هەڵاڵەی بەفرا سپی بچێتەوە لە دووکەڵا بە سەر کوانووی بەر بارانا بشکێتەوە با ڕەنگیشم بە ڕەنگی زام بە وەنەوشەی بێ ئاو بچێ لە ژێر زەڵمی فرمێسکا دڵ هەر بە بەردی چەمان بچێ وا خەریکە بازی غوربەت چاوی دڵم هەڵئەکۆڵێ هەر بە نینۆک لە دەشتی لاخ شەمامەی ڕۆح هەڵئەکۆڵێ ئەی بازی گەڕ لە من هەڵێ من خۆم غوربەت بە ڕۆح دێنم ئیتر من چۆن لە گەڵ تۆدا شەڕی غوربەت ئەدۆڕێنم
Wa xerîke bazî xurbet Çawî dilim helekolê Her be nînok le deştî lax Şemamey roh helekolê Le min gerê ey bazî ger Be mirdnîş pêt naxurêm Min le xoma dîwarêkim Sed nîştiman pêt naruxêm Çawim xêwetî Germyane û Dilim deştî Şarezûre Desim xwênî Silêmanî û Serm Siney be mehcûre Qametim xo nexşî qelay Pîre şarî Hewlêryane Henasem xo bon dûkel Newrozekey Kurdistane Ba serîşim le helaley Befra sipî biçêtewe Le dûkela be ser kwanûy Ber barana bişkêtewe Ba rengîşim be rengî zam Be wenewşey bê aw biçê Le jêr zelmî firmêska dil Her be berdî çeman biçê Wa xerîke bazî xurbet Çawî dilim helekolê Her be nînok le deştî lax Şemamey roh helekolê Ey bazî ger le min helê Min xom xurbet be roh dênim Îtir min çon le gel toda Şerî xurbet edorênim