ژەرەژەو پاڵو نیساری

ژەرەژەو پاڵو نیساری
ئێساڵ وانۆ پێسە پاری
یا بوڵبوڵو گوڵستانی
بە چەهچەهەو شەوبێداری
سەحەر وانۆ جە باغی گوڵ
داخۆ دووریش نەبۆ نە دڵ

یا قاسپە قاسپوو ژەرەژا
بۆ تێکەڵوو چۆڵی کەژا
یا نەچیر و نەچیرەوان
ڕازۆ دڵیە کەرا بەیان
وانا کەرا دەسەملانی
ئینەن وەشی هەورامانی
ئینەن کەیفو هەورامانی

یا بەرزەڵنگ و وەرکەمەر
بۆوێ وەششا وزانێ وەر
یا بۆژانەو گوڵە چنوور
هەزبە کوێلی و هەراڵە سوور
نەسیم مارۆ بۆ و بەرامشا
شانۆ پاشۆ سەرو کەشا

با وەرواوی بەیا واری
با قرمەقرم تاڤ تاڤانی
یا داڵانی و تەخت و سانی
پەی یۆی چڕا عەوداڵانی
هەرسەو شادیم وارا بە کوڵ
ئانە ئاما وەهار بە دڵ