نەجمەدین غوڵامی
سنە ئاواتی لە مێژینەکەم کەنیشکی ئازا و گوڵی ژینەکەم دڵدارت وێڵە لە شاری نامۆ ئاخۆ ڕۆژێ بێ ماچ کەم گۆنای تۆ بووکی ژێر تارای ڕەنگ ئەرخەوانی گوڵاڵە سورەی دەمەو بەیانی ئاویەر باڵای بەرز توولە نەمامت کوچکە ڕەش سورمەی چاوی خومارت سورمایی گۆنایی سور هەڵگەڕاوت فەرەجە ڕوومەت وەک خۆرەتاوت پەنج پلور لە سای گەردەنی بەرزت گریاشان بێسان شەمامەی تەرزت ئەمانە هەموو سەیرانگای یار بوون گڕی دڵداری دایمە لە تاو بوو ئێستا وا تاسە لە دووری باڵات بۆ ئامانجی بەرز خۆی ئەکا خەڵات
Sine awatî le mêjînekem Kenîşkî aza û gulî jînekem Dildarit wêle le şarî namo Axo rojê bê maç kem gonay to Bûkî jêr taray reng erxewanî Gulale surey demew beyanî Awyer balay berz tûle nemamit Kuçke Reş surmey çawî xumarit Surmayî gonayî sur helgerawit Ferece rûmet wek xoretawit Penc pilur le say gerdenî berzit Giryaşan bêsan şemamey terzit Emane hemû seyrangay yar bûn Girî dildarî dayme le taw bû Êsta wa tase le dûrî balat Bo amancî berz xoy eka xelat