نابێ ئازیزم نابێ دڵداری ئاوا نابێ
نابێ نازدارم نابێ دڵداری ئاوا نابێ
چۆن دەبێ وا لە ناکاو ئەو دڵەت تەوەللا بێ
توخوا دڵی من چۆنە ئاخر دڵی تۆش وا بێ
هەر دەڵێی کاکڵە گوێزی ئاوا بە ڕێز و بێزی
دڵت لە کوێ داناوە بۆ لای ئێمەی وەگوێزی
نابێ ئازیزم نابێ دڵداری ئاوا نابێ
نابێ نازدارم نابێ دڵداری ئاوا نابێ
نازدارم بۆچی ئاوا خۆت لە من گران ئەکەی
هەر ڕۆژێ تۆ بە دەردێک ئازارم زیاد ئەکەی
ئاخر ئەتۆ نازانی ڕۆژێ تۆڵەم لێ ئەکەی
دەڕۆم و نایەمەوە تەرکی عەشقم پێ ئەکەی
نابێ ئازیزم نابێ دڵداری ئاوا نابێ
وەی نابێ نازدارم نابێ دڵداری ئاوا نابێ