منم عاشقم هاوار بە ماڵم
منم بۆ شیرین هەر دەم عەوداڵم
من برینداری دەردی غوربەتم
منم عاشق و پیری خەڵوەتم
ئامان ئامان دەستم بە دامان
ئامان ئامان دەخیلتم ئامان
من بە شەرابی عەشقی تۆ مەستم
ئامان سەد ئامان دەست بدە دەستم
منم دێوانە و سەرقافڵەی پیران
منم سۆز ئەکەم تا بەری بەیان
ئامان ئامان دەستم بە دامان
هەر شەو بە یادی نیشتیمانەوە
بە یادی دووریم لە یارانەوە
سۆز ئەکەم بە دڵ بە گریانەوە
هەر شەو بە یادی کوردستانەوە
ئامان ئامان دەستم بە دامان
ئامان ئامان دەخیلتم ئامان