م وەختێ ڕەسۊم، قەتار لەیرە چۊدن
قەتاری ک بێخوەر، ت بردۊدن
ت چۊدن و ئەو ئێوارانە نەیدن
چ وارانێ لە شوون ت وارۊدن
شنەفتم، لە ڕێوارێ گ وەپیم وەت
ک ناو م لە چەن نەفەر پرسۊدن
چەنێ عەزیزە لە لام ئەو ڕیوارە
کەسێ گ لە جار ئاخر ت دۊدن
هزار جار وەتم ک بێ م دی نەچوو
ئەمانی ت بڕیار خوەد گردۊدن
نە واران بەتاڵدەو کرد و نە تەم
کەس نەیە لەی دکرە* ک ت کردۊدن
قەتار وسێد و ت پا تیەریدنەو
م دی لەشێگم ک سەد جار مردۊدن
٭دکر: قین، تووڕەیی