م هەیتاهەیت دەس سەردیگ تەپێدە ناو گیرفانم
هە خوەم دەم لە نەزانستن، م ناو خاوەنی زانم
دەسەیل دەورەگەی مادد لە گیرفانم نەلاوەیدن
پەنابەر بێ پەساپورتە پەنا بەیدن وە کی خانم؟
م شوون و نوون ت داڵگ! لە ڕۊ زووری دەسد ناسم
دەس ت یەی تەشیڕس بۊ لەناو ساڵەیل زمسانم
فەرە چشتەیل هۊرم چی، فەرە چشتەیل لە م ڕەو کرد
لەشوون کی تو گیریدن، دەس تەنیای لە گیرفانم
ڕەسیمەسە سنووری گ لە یەک بایێە جیاوا بۊم
م دەرزی گوم بۊ ناو وڵات گەردەتۊچانم
م شیشەێ ژان باوانم لەناو جامەکەیل دۊنم
هزار ساڵە لە م زاێدن، ئەمانێگ نیەشکێیەێ ژانم