م چۊ کان بەرزی، دەم لە ناو خوەم
لە بانا دەم لەناو، کەناو خوەم
ت هایدە کوو عەزیز دڵ ک بۊنی
شەوی هزار جار مرم، لە تاو خوەم
م بەێداخ هۊچ کەسی نەنامەشان
م ئاخری کوشیەم لەڕکاو خوەم
نە! ت دی لە م نەتوا ک بی‌دەنگ بووم
م دەس نیەنەمە بان کڵاو خوەم
من و ت شیر یەک خواردیمە، کەسم!
وە م دی حەرامە بوو گوڵاو خوەم
کەم بۊش ڕووژی وە حساو یەک ڕەسیم
م بەسامە حساو و کتاو خوەم
تنیش هەێ نمەناز واران بچوو
م نیەشوورم دەسم سەراو خوەم