خوەر ئاوا بوود و ئمجا م، ڕی دۊرێ لە وەر دێرم
لە ئێ ڕی بێبنە نازار، م خوەم خاستر خەوەر دیرم
کەسێ بێجگە م لەێ شارە نەیوە هاوڕێ شەو جادە
نەپا دیرم، نە سەر دیرم، م دنیاێگ دەردسەر دیرم
بچوو نیەتواێ لە شوونم باید م ئی جادەیلە خاس ناسم
لە شوون سۊر شەونم چم، م کەی وەیشت چەمەر دیرم
م دار وشک پیرێگم لە ناو یەی باخ ئابادێگ
وە سەرماێ پایزێگ شکیەم، م کەی تاو تەوەر دێرم
دەنگ دڵگیر شمشاڵی شەوەیل تێدن لە ئەو دۊرە
م ئاخین هزار داود، لەشوون عەلیەوەر دێرم