لەێ ناو وڵات بێ‌دەنگە، لە ئێ شەواە بێبنە
گاجار، ترۊسکەی ئاگرێگ لە بان یاڵی ڕووشنە
ئی ئاگرە خەێوەکییە، تەنیا م دۊنمەی وە چەو
تەنیا م زانم ها لەکوو یە ئاگر شوون تنە
سفتەی سووەیل ساڵەهان ئەو کوانێیە دۊنم وە چەو
کلوانکی لەناو خوەڵ، پڕ سقان یەێ ژنە
دی ئی خەیاڵ ئاگرە ڕووژ و شەوەیل م سزان
باڵابڵێن سختەزار، یە بەخت سزیای منە
وەبان ئەو یاڵە ڕەسم، یاڵەیلتر دۊنم وە چەو
لە ئی وڵات بی تنە، چ ئاگرەیلی، ڕووشنە؟!