بیلا شەماڵ دەروەدەر رۊی لە لاێ ت وا بکەێد
باێد و لەجی دەسەیل م گیسەیل ت وڵا بکەێد
دی کەم لە پشت دەروەچەیل وە پێچ جادەگان بنووڕ
نەیل ئەو چەوەیل کاڵدە گلیەی لە لای خودا بکەید
بیلا شەماڵ ماڵەیلەگان لە چین م خەوەر بێیەید
تا تفڵ توریاێ دڵم هەرشەو ئەڕاد دوا بکەید
دۊر لە چەوەیل هەرشەود ک پڕ لە شێئر و شەونمن
کی ئی شەوەیل بێدەنگە لێرە ئەڕام مانا بکەید؟
لەناو خەیاڵ جادەگان ک پڕ لە چین و ناتنن
هاکوو دەسەیل چەرمێید ک شین م یەیجا بکەید؟
ئەو تاکە دار وشکە گ ئەسر چەوەیلمان دیە
گاهەس وە بوونەی ئەسرەگان شاخێ پڕ لە گەڵا بکەید
بیلا شەماڵ داکاسیەی لە پشت دەرەچەیل شەو
تاگەر جوور ت دڵتەنگی هەر شەو لە شوون "وا" بکەید