لەچگ خسۊدە دەور مل، چۊ مامراوی سەر لۊیەتی
بەێیداخ بەرزێگ بۊ لە وا، سڵتە و زوون خەخەتی
وە گاتەگات و نەرمەنەرم وە لوورەلوور پڕ لە شەرم
هۊر سەراوەیل بردێیە دەنگ ئەزیز یەی دۊیەتی
پۊنگەیل پڕ عەتر سەراو تا ناوکیان پڕ بۊدە ئاو
منیش لە شەوق ئەو دەنگە، پیەن بۊم لەبان یەی تیەتی
بوو عەتر سەوز سوخمەگەی گاماسیاو ناسە چزەو
پرتەی چەوەیل ماسیە تێدن لە ژێر ژێرکەتی
تاسای سەرم کردۊم وە خوار سوخمەی وەهار شل کرد و چی
هێمان لە گووشم نیشتەجاس دەنگ ڕەنگین یەی دۊیەتی