م ئەو شەوە تا وەرسوو، گیرستم
وە خوەم وەتم ت هایدە کوو؟ گیرستم
سەد جار لە ئەڵوەن شوون ت پرسیم
چۊ قەسر م لە شوون لیموو، گیرستم
ت لە ڕاز دارەگان هۊچ نیەزانید
چۊ داری گ بۊدە هۊردە چوو، گیرستم
م گورگ هەڵەت بۊم، تۊش ت هاتم
پەی ت هەێ ماسک نواڕوو، گیرستم
بزان! تەنیا کەلاوەیلن ک زانن
م باێیەقوشیگ، وە قووقوو، گیرستم
لە پایلد بپرس ک م پاوڵا کرد
ک جوور پۊنگەێ وە بێ‌بوو، گیرستم
ت ناتید و م وە هۊر ئەو شەوە
یەی شەو هەم دوارە لەنوو، گیرستم