سەوڵ تەنیاێ سەر سەراوانم خودا!
گووش وە ناڵەی تاف ئاوانم، خودا!
چەپ چەپ گیس ئەزیزەیلم کەنیم
بافەبافە هالە داوانم، خودا!
ڕووکەرەیل ڕووڕوو بەسە لەیوا نەکەن
داخ سەختێگ هالە باوانم، خودا!
لەی کەناوە پەل پەلەو بۊ ڕیشیێم
بەو بەسە دی زەجر و تاوانم، خودا!
مانگ کوشانەو شەوچراگەی هەرشەوی
وەیل و تەنیای ناو کەلاوانم، خودا!
مانگەشەو بەختد بسزیەی هایدەکوو؟
هالە کوورە، مانگ کاوانم، خودا!
هەم وەهارە و هەرکە یاری ها لەلای
دۊر لە یار و بەزم جارانم، خودا!