م دیدەم ئاوس ئەور خەزانە
نمەزای بێنز قەی کەڵوەزانە
شتووران کەی خەیاڵم لەێرە هەرشەو
دەنگ مووری هەڵالم لەێرە هەرشەو
دەنگ مووری ئەڕای سەوڵ و چناران
وە هۊر دڵتەنگی کەوک نساران
وە هۊر ئەو کەسەیلە لەیرە مردن
تەمام دڵخوەشیمان لەیرە بردن
بژانگ کام پەری داێیە لە جەرگم؟
ک مەێنەتبار و تاسووبار مرگم
بوار هەی نم نم وارا لە شوونی
بتکیە قەی پەل سڵتەوزوونی
نمەنازد وە نەزر ئەسر دیدەی
هەناێ بێ‌دەنگ شەوێ لەورە ت دیدەی
وە پی بۊش ڕفت واران دی نیەکەی دەو
کەسی چوودن لە ئی شارە نیەتیەێدەو
دروو دایدن وەتی تیەیدەو وەهارێگ
لە سای مانگەشەوێگ، دار ئەنارێگ