لە ئەو ڕووژە، ک دەلیا بۊن چەوەیلد
چراخ ماڵ تەنیا بۊن چەوەیلد
چە گووشەماسیی چەرمێ جەمەو بۊد
چەنی سووڵی لە ئاو دەلیا کەمەو بۊد
مەل دەلیائییگ پەشتیایودە مەوجا
پراشەی مەوجەگان سەر نایونە ئەوجا
م بێکەستر لە ت ئەو ساڵە کەس نەیم
دڕا بۊدن دەسد ئەما م دەس نەیم
ئەسیر بێدەنگ دەلیایون چەوەیلد
ئەزیز م چەنی تەنیایون چەوەیلد
م زانم جوور م تەنیا مریدن
وە کام وشک لە لۊ دەلیا مریدن
لە قۊلای ئاو دەلیاگان نیەترسی
لە ماسی راز دەلیاگان نیەترسی