دۊیای وەهار، ک کاولیەیل لەیرە چن
خوەم مینم و دار قەریب ئەرجن
گوڵەیل هۊیل دەروەنەیل دی مرن
دەس لە ژیان سەوزیان هەڵگرن
ساق سفید کەنگرەیل دی شکی
خۊن لە لەش دار بڵاڵۊک تکی
کەس خوو نیەزانی دڵ م چۊ وساس
دڵ وە ئومێد گوڵ ئەسپەن بەساس
هەێ گوڵ ئەسپەن، ت شەفاێ دەردمی
شین کەرەگەی شوون گوڵ زەردمی
خەوزڕ ئی فەسڵ وەهارە بکە
فکری ئەڕای ئی پیرەدارە بکە
وەهارتر لە عومر م هات و چی
ئەمانێ ئەو وەهارە دی نات و چی