تەدارەک بگرن یارم دێ یاڕەبی بەخێر بێ
بە ناز و بە لەنجە دێ هەی قەدەمی خێر بێ
یاری من زێدەجوانە کیژی کوردانە گوڵم
پەرییە خانزادەیە ئەو گوڵە و منیش بولبولم
کیژۆڵەی سولەیمانی هەم گوڵی کرماشانم
کچی ئازای کۆبانی پەروەردەی موکوریانم
مەهاباد و هەولێریم عاشق بە نیشتمانم
تەدارەک بگرن یارم دێ یاڕەبی بەخێر بێ
بە ناز و بە لەنجە دێ هەی قەدەمی خێر بێ
کیژی سەربازم ئەمن نیمە هەستی دڵداری
شێتی کوردستانم و عاشقی کوردەواری
وەرە کیژۆڵەی جوان منیش وەکوو تۆ گوڵم
پەروەردەی کوێستانم و بۆ وەتەن دەکوتێ دڵم
تەدارەک بگرن یارم دێ یاڕەبی بەخێر بێ
بە ناز و بە لەنجە دێ هەی قەدەمی خێر بێ
بەهەشتە وڵاتەکەم ئەمما بە تۆوە سەد جار
فەرهادی سەرگەردانم گەر مەیلی دڵ بێ عەیار
سەد تەوبە هەزار تەوبە غەیری ئەتۆ ببینم
سەد تەوبە تەوبە تەوبە غەیری ئەتۆ ببینم
تۆ فەرهاد و مەجنوون بی حەتمەنە خاتوزینم
تەدارەک بگرن یارم دێ یاڕەبی بەخێر بێ
بە ناز و بە لەنجە دێ هەی قەدەمی خێر بێ