بە دوای عەشقا کە وا من وێڵی شارانم
وەک برینداری زەبری گەستەی مارانم
ئیتر بۆچی لەگەڵ یاران حەشر نەکرێم
حەریفێکم لە خێڵی شێخی سەنعانم
کە حاڵی خۆم ناتوانێ باس کا زمانم
لە ناو فرمێسکی خۆما غەرقی تۆفانم
ئیتر تا کەی وەکوو مەجنوون شیفا نەدرێم
دەسا بۆ نایە کوا حەکیمی لوقمانم
بادەی عەشقی نۆشیوە هەست و ویژدانم
کە بەدمەستم لێم مەگرن، چییە تاوانم؟
ئیتر بۆچی لەگەڵ مەستان حیساب نەکرێم
کە من هاوجامی بادەی پیری موغانم
بە دوای عەشقا کە وا من وێڵی شارانم
وەک برینداری زەبری گەستەی مارانم
ئیتر بۆچی لەگەڵ یاران حەشر نەکرێم
حەریفێکم لە خێڵی شێخی سەنعانم