ئاگریش بم ناتسووتێنم
ڕەشەبای تووڕەیی پاییزانیش بم قەت پەڕەی گوڵ ناوەرێنم
گەر تاڤگەی خوڕی هەڵدێری شاخ بم لە ئاستی تۆدا بێدەنگم، بێ سروە و بێ ڕەنگم
گەر لە دڵتا هەڵم ناگری لە چاوانتا دەرم بێنە
گوڵی عەشقم بۆ ناگری واز لە باخی دڵم بێنە
من درەختی بێ سایە نیم بۆ بزەیەک بشنێمەوە
یا بە تیشکی نیگایەکت بەفری تەمەن بتوێنمەوە
بتوێنمەوە
ئەی ڕووباری شیعر و ئەوین دڵم پڕە لە هاژەی تۆ
ئەی چرۆی ئازاری شیرین ناخم پڕە لە ژانی تۆ
لە ژانی تۆ
بۆ تەنهایی ئەم شەوگارەم
بۆ هەناسەی ئەم ڕۆژگارەم
لەگەڵ بارانا ببارێ
بە دەروونما بچۆ خوارێ