ئەرێ بەو سوێندە و بەو ئایەتە جوانە ئەو خاڵ و خەتە
موڵکی سابڵاغی پێ بدەی هێستا نیوەی قیمەتە
ئەی خودا بۆخۆی دەیزانێ بۆ ویم جەرگ لەت لەتە
ئەرێ نیزام و خۆم نیزام
جا نیزام نیم و سەربازم
موبتەلای دوو چاوی بازم
ماچێک بۆ تێشووی ڕێگایەم
ڕێم دوورە و پێم دەبێ لازم
ئەرێ بۆم بانگ کەنە شەماڵی گیانە جا دەمێک دێ و دەمێک نایە
دەیدا لە زولفی یارێ گیانە گوارەی دێنە سەمایە
کافری بێ دین و ئیمان گیانە ڕوحمت بە مندا نایە
ئەرێ نیزام و خۆم نیزام
جا نیزام نیم و عەسکەرم
موبتەلای ڕەش ئەسمەرم
ئای لەسەر باڵای بەرزی تۆیە من لە دنیا دەربەدەرم
ئای لەسەر باڵای بەرزی تۆ وەی لە دونیا دەربەدەرم