تۆ نازانی چ دەردێکە بێ ئاسمانی
چ دەردێکە بێ ئاسمانی
تۆ نازانی چ دەردێکە بێ نیشتمانی
چ دەردێکە بێ نیشتمانی
من مەلی پێکراوی ئاسمانی نامۆم
من ئەسیری خاکێکی بێ ناوەڕۆکم
جیهان بۆ تۆ هەوارێکە
ژیان بۆ من سەرابێکە
من و تۆ چۆن لەیەک ناچین
تەنانەت من لە خۆم ناچم
دەبێ مەحکوومی نەفرەت بم
ئەسیری خاکی غوربەت بم
دڵت لەبۆ من هەر وەکوو جوورێکی سەردە
هەر وەکوو جوورێکی سەردە
نیگات غەریبە
هەتاوێ بێ تینە، بەردە
من درەختی غەریبی بێ بەهارم
ڕوواوی وەرزی ڕەش و نێو شۆرەزارم
تەنیام وەکوو نیشتمانم خاکی ئاواتە مردووەکانم
من و تۆ چۆن لەیەک ناچین
تەنانەت من لە خۆم ناچم
دەبێ مەحکوومی نەفرەت بم
ئەسیری خاکی غوربەت بم