یان جوابێ بە خێر یان دڵنیام کە
کەم دەستەودامێن شێخ و مەلام کە
ئەرێ هۆی باڵابەرز گەردن هەڵاڵە
ماچێ لە کوڵمەت بۆ من حەڵاڵە
شەرت و کەمشەرتیت مەعلوومی داوە
داخۆم لە کوێ تر بونیاتت ناوە
ئەرێ هۆی باڵابەرز، باڵابەرز گەردن هەڵاڵە
ماچێ لە کوڵمەت بۆ من حەڵاڵە
شەرت و کەمشەرتیت بە باڵای کێ بێ
کێ بگرم بە یار شێوەی تۆی پێ بێ
ئەرێ هۆی باڵابەرز گەردن هەڵاڵە
ماچێ لە کوڵمەت بۆ من حەڵاڵە
هەر مانگێ نەو بۆ حاڵم پەشێوە
چون هیلال شێوەی ئەبرۆی تۆی پێوە
ئەرێ هۆی باڵابەرز، باڵابەرز گەردن هەڵاڵە
ماچێ لە کوڵمەت بۆ من حەڵاڵە
شەرتی دڵداری هەر ئەمە نییە
دڵداری لایەق کول کەسێ نییە
ئەرێ هۆی باڵابەرز گەردن هەڵاڵە
ماچێ لە کوڵمەت بۆ من حەڵاڵە
شەرتە تا دەمرم هەر بە ئیخلاس بم
مەیلت گوم نەکەم هەر تۆ شناس بم
ئەرێ هۆی باڵابەرز گەردن هەڵاڵە
ماچێ لە کوڵمەت بۆ من حەڵاڵە
چۆن دەبێ وا بێ شەرتی دڵداری
تۆ لە عەیش و نۆش خۆم لە غەمباری
ئەرێ هۆی باڵابەرز گەردن هەڵاڵە
ماچێ لە کوڵمەت بۆ من حەڵاڵە