وەختێ دەسوو وایەو گەڵا ئاما سەما بۆرێ مەلە
بێ شەک بیەی تۆ مەڵهەما پەی ئی خەما بۆرێ مەلە
داخێنێ تەقنا ڕوومەتوو سووروو هەناری نیمە شەو
پاییز چەنی بێ تاقەتی پەی من سەما بۆرێ مەلە
بەشکەم بە سێحر و ئادەسا گەرمی وزی شاروو جەسەی
تاکەی بە تاسەو دیدەنی هەرسەو چەما بۆرێ مەلە
چن مێوە دەیمەو سەرکەلی داخێ وەروو تابۆ شەراب
چانەی زیاتەر پەی دیەی من تاسەما بۆرێ مەلە
زانی کە مووسیقی خەمی وەختا بڎۆ ڕیشەو دڵی
ساز و خەزانی دوور جەتۆ حەر ماتەما بۆرێ مەلە
ماچانێ پاییز عاشقا ئانەن پەڕا بێتاقەتی
بڕیان جە یاری پەوکەتێ خاتر جەما بۆرێ مەلە
پاییز هەن و تا یانەکەت زردە گەڵا باست کەرۆ
من بە خشە و دەنگوو گەڵای چن ورکەما بۆرێ مەلە