قەت نەدەی ئازاری گیانی مەست و بێدارانی شەو
خۆت نەخەیتە بەر شەپۆلی ئەشکی بێ پایانی شەو
ئەی کچی خواوەندی جوانی ئەی چرای دیوانی شەو
خۆت بپارێزە لە ئاهی دڵبریندارانی شەو
وێڵم و تاریکە دەورم فەرشی ڕێگەم مەینەتە
بێکەسم تەنها ئەناڵم مەرگی خۆمم عەزرەتە
عاشقان دێن لە دوور دیارن
ڕەنگیان زەرد و لێو بە بارن
بە دەردی دڵ گرفتارن
مەنعیان مەکەن ساحەب یارن
جوانی جوانی جوانی جوانی زۆر جوانی
ئاسک شاخ و کارمامزی گەرمیانی
قوربانت بم ئەی بای شەوێ
خەو بێت لە چاوم ناکەوێ
دڵ مەجنوونە و لەیلێی دەوێ
جوانی جوانی جوانی جوانی زۆر جوانی
ئاسک شاخ و کارمامزی گەرمیانی
چاوت ئەستێرەی دەریازی
بە کوشتنم ئاواتخوازی
جوانی جوانی جوانی جوانی زۆر جوانی
ئاسک شاخ و کارمامزی گەرمیانی