بە شەو لەبەر خەیاڵان ئەی بە ڕۆژ بۆی شێت و شەیدام
دەڵێن لێوئاڵ ناخۆشە هەی قەزای لە ماڵی دنیام
بارانە و بارانە هەی بە چاومدا دەبارێ
خۆ تۆ بابت نەمردووە فرمێسکت دێتە خوارێ
یا وەک بارانەی بەهارێ
کچێ ئەگەر بنیادەم چاوجوان بە خەم مردبایە
بەخودا دەبوو من بۆ تۆ ئازیز دیقم کردبایە
هاوار دیقم کردبایە
هەی بارانە و بارانە وەی بە شانمدا دەبارێ
وەی بە چاومدا دەبارێ
خۆ تۆ بابت نەمردووە فرمێسکت دێتە خوارێ
ئەی فرمێسکت دێتە خوارێ
کچێ تانەم لێ دەدەن ئازیز کە کەوتوومە دووت
کچێ قیبلەی جوانی من بەو خودا خاڵەکانی ڕووت
هەی بارانە و بارانە هەر بە تەنیا مامەوە
کچێ ئای بۆ دڵسۆزێ چاوجوان بێ بە لامەوە
هاوار شەو بە لامەوە
کچێ قەسەم بەو زولفەی چاوجوان وا لوولت داوە
بە خودا سوێندت بۆ دەخۆم چاوجوان هەموو هەر داوە
هاوار هەموو هەر داوە
هەی بارانە و بارانە هەر بە تەنیا مامەوە
کچێ ئای بۆ دڵسۆزێک چاوجوان بێ بە لامەوە
هاوار بێ بە لامەوە