هەی وەی باڵابەرز سەروی بێ گرێ
خەڵکی کام شاری هاووڵاتیت نەمرێ
ئاوڕێکم وێدە با دڵم نەمرێ با ئاور نەگرێ
ئاه و هەناسەم داوێنت بگرێ
من بەندەی دڵگیر پەنجەی ئەوینم
کزکز دەسووتێ تان و پۆی ژینم
مۆمەکەی ژینم
بە تۆی ئەبەخشم گیانی شیرینم
ئەگەر حەز دەکەی دڵەکەم دەر بێنم
دەیکەم بە دیاری کچێ بۆتی دەنێرم
هەی وەی باڵابەرز سەروی بێ گرێ
خەڵکی کام شاری هاووڵاتیت نەمرێ
هەر ئەنووسم، هەر دەنووسم بۆ ئەوەی کە من دیلی تۆم
بۆ شیعرێکی بەرز و سەرسام لە دڵمایە و هەر نایە بۆم
من جوانپەرەستی ئەو خۆپەرەستی
خەتای هەر کەس بێ داکەوێ کۆستی
هەی وەی باڵابەرز سەروی بێ گرێ
ئاوڕێکم وێدە با دڵم نەمرێ
ئاوڕێکم ویدە با ئاور نەگرێ