ئەی خاوە خاوەر خاوەر قۆڕی لەلای سەماوەر
ئەی خاوە خاوەر خاوەر شەکەر لەلای سەماوەر
بەقوربانی باڵات بێ وەی پاوە و نەوسوو و دزاوەر
بە سەرگەردی باڵات بێ دەی پاوە و نەوسوو و دزاوەر
خاوەر تۆ کیژی کوردی ئای مەڵبەندی هەورامانی
لە چاوی بەد بەدوور بی گیان چەن جوان و خانومانی
بەژنت وەکوو لەولاوە زوڵفت خەیاتەی خاوە
دوو برۆی ڕەشی هیلالیت گیان مانگ نەخشی کێشاوە
سبەی نۆبەبێرییە وەی کیژان دەچن بۆ ناو ڕان
خاوەریان لەگەڵدایە ئاخ بڕیارە بێ بۆ جێژوان
بەهار و ڕانەبێری و جێژوان لای کانی و ئاو بێ
دوو دڵداری تینووی یەک وەی هیچی دیکەیان ناوێ
ئەی خاوە خاوەر خاوەر قۆڕی لەلای سەماوەر
ئەی خاوە خاوەر خاوەر شەکەر لەلای سەماوەر
بەقوربانی باڵات بێ وەی پاوە و نەوسوو و دزاوەر
بە سەرگەردی باڵات بێ سەرتیپ و میر و یاوەر