بڕشن دوارە بڕشن ساقی دڵم کەواوە
شیتم کە تا نەزانم زانستنم عەزاوە
بڕشن دڵ تۆ خوەش بوو ساقی ئەگەر م دیمە
کەس گیان وە دەر نیەوەیدن لەی ساڵ ناسەواوە
بڕشن دوارە بڕشن ساقی دڵم کەواوە
کوڵیام و برشیامە کەس وە دەردم نیەزانێ
ئەشکم وە تاوێ دۊرید هەم ئاگرە هەم ئاوە
ئۊشم ئەگەر توایدەم کاری کە دڵنیا بوو
وەختی وە لادەمێگەو ئۊشی نەچوو، جواوە
بڕشن دوارە بڕشن ساقی دڵم کەواوە
دەردم کەسی نیەزانێ داخم وە بیکەسی خوەم
تەنیا م چۊ بکیشم ئی هەمگە ناحەساوە
ئۊشم دڵم هەڵاکە تا دەس بنەیدە تاڵان
بۊشی حەیا کە پەرتەو دەس لە قسەیلە لاوە
بڕشن دوارە بڕشن ساقی دڵم کەواوە