ئەوە من پیر بووم هەی پشتم چەماوە
گەڵای زیندەگیم خۆ لە دار کەنیاوە
لانە و لانت کەم شانە و شانت کەم
شەو لە نێو جێدا وەڵا ڕۆژ لە باخچێدا
گلەیی دەکەم من بە لای خوداوە
دەروازەی مەینەت بۆچ بۆ من کراوە
لانە و لانت کەم شانە و شانت کەم
هەی پاموورە جوانێ مەڕۆ ماڵ لە بۆکانێ
بۆچ من لە جوملەی وەی عەبدی خودا نیم
ساعەتێک لە دەس وەی مێحنەت ڕەها نیم
با لانە و لانت کەم من شانە و شانت کەم مەڕۆ
پاموورە جوانێ ئەی وەی ماڵ لە بۆکانێ
هەتا مەیلت بوو من بە مەیلت ژیام
ئێستا تۆ بێمەیلی هەی ئەمنیش دڵنیام
با لانە و لانت کەم هەی شانە و شانت کەم
شەو لە نێو جێدا وەڵا ڕۆژ لە باخچێدا
هەتا مەیلت بوو منیش بە مەیلم کردی
ئێستا تۆ بێ مەیلی بڕۆ وامزانی مردی
لانە و لانت کەم با شانە و شانت کەم
شەو لە نێو جێدا وەڵا ڕۆژ لە باخچێدا