ئایشیلێ جوانی تۆی مەریوانی
پەرێشانی تۆم دەردم نازانی
شەرت بێ گوڵی کەس نەکەم بە بۆوە
تا گوڵم بۆ دێ لە خزمەت تۆوە
ئەگەر نەبوایە بە بۆنەی خاڵت
ئەمن چیم دەکرد لە دەوری ماڵت
ئایشیلێ جوانی تۆی مەریوانی
پەرێشانی تۆم دەردم نازانی
هەر تەمێ لەسەر کێوێ ساکنە
ئەوە تەم نییە هەناسەی منە
شەو و ڕۆژ پیشەم شین و گریانە
دەردی جودایی ناسۆر و ژانە
ئایشیلێ جوانی تۆی مەریوانی
پەرێشانی تۆم دەردم نازانی
ئایشیلێ جوانی تۆی مەریوانی
پەرێشانی تۆم دەردم نازانی
تایێ لە زوڵفت هات بە دەسمەوە
بەندی دڵ دەپسێ پێی دەبەسمەوە
بۆچی جێت هێشتم توخوا وەرەوە
دونیای ڕوونی من بێ تۆ شەوە
ئایشیلێ جوانی تۆی مەریوانی
پەرێشانی تۆم دەردم نازانی