ماڵی ئاسوودەم کونجی مەیخانە مەی بووەتە هاوڕێم
با سەرخۆشیش بم، هەر سۆزی تۆیە هەرچییەک ئەیڵێم
بێ پەروایە مەست هەرچییەک ئەیڵێن وتەفرۆشان
بێهۆش کەسێکە خاڵییە لە عەشق نەوەک مەینۆشان
ساقی پەیاپەی جامم لێوان کە زۆر دڵم تەنگە
پیری بێ ماڵم تەمەن بەبا چوو زووکە درەنگە
گوناهم نییە گەر لە من ناگەن خێڵی بێهەستان
کەشی دیوانم گۆشەی خەڵوەتان
سۆفیم سەرمەستان
ساقی پەیاپەی جامم لێوان کە زۆر دڵم تەنگە
پیری بێ ماڵم تەمەن بەبا چوو زووکە درەنگە
من کە مەست ئەبم ڕوحم دەچێتە حاڵی فەنابوون
تۆ هەموو بوونی ئیتر بەبێ تۆ بێ مانایە بوون