
ساقی مەهێنە بۆ من لەو بادە
کەسێ دەینۆشێ کە دڵی شادە
ئیتر بەو بادە من نابم سەرخۆش
کە هەرزەمەستان ئەهێنێتە جۆش
وەرن عاشقان، وەرن دەروێشان
منم ڕابەری دەروون پڕئێشان
تۆ کە ناتوانی تینووم بشکێنی
باشترە ئیتر بڕۆی واز بێنی
دەڕۆم لە جۆگەی عەشقێ دەبم مەست
سەرتا پام سڕ کا و پڕم کا لە هەست
وەرن عاشقان، وەرن دەروێشان
منم ڕابەری دەروون پڕئێشان
من بۆخۆم دەبمە ساقی دەروێشان
دەبمە ڕابەری دەروون پڕئێشان
تا دەستە دەستە لەم ڕێ زۆر ئەبین
سەرمەستی عەشق و ڕوو لە خۆر ئەبین
وەرن عاشقان، وەرن دەروێشان
منم ڕابەری دەروون پڕئێشان