دڵم دایتێ مەمڕەنجێنە
خۆشم ئەوێی مەمتۆرێنە
بورجی هیوام یەکجار بەرزە
حەیفە گیانە مەیڕووخێنە
هی خۆتە وازی لێ بێنە
یاخوا قەزات لە من کەوێ
ئەوی نەیویستی نەسرەوێ
دەردی فیراقت نانەوێ
لە دووری تۆ نانووم شەوێ
وێرانە دڵ هەر تۆی دەوێ
پێم بدە ئارامی گیانم
ئێسکسووکی میهرەبانم
دووری تۆ لانەی شێوانم
کە تۆم نەبێ سەرگەردانم
بێ شار و ماڵم نازانم
ئاوارەی دەشت و کێوانم
دڵم دایتێ مەمڕەنجێنە
خۆشم ئەوێی مەمتۆرێنە
بورجی هیوام یەکجار بەرزە
حەیفە گیانە مەیڕووخێنە
هی خۆتە وازی لێ بێنە