بینێ سەر دڵم گیانە ناسکە پەنجەکەت
باوەشێنم کە هاوار بە ئەگریجەکەت
ئۆی خاڵۆی ڕێبوار ڕێگا نازانم
بۆ گەرمێن دەڕۆم هاوار خەڵکی کوێستانم
ئەوە هەناسەکەم گیانە کێو لە بن دێنێ
داخودا خودای من هاوار چت بەسەر دێنێ
ئۆی خاڵۆی ڕێبوار هاوارە ڕێبوارم
منیش وەکوو تۆم هاوار دڵ بریندارم
موژدە لەو ڕۆژە گیانە من نەمدی بە چاو
گەڵارێژانمە هاوار وەک باغی بێ ئاو
هۆی خاڵۆی ڕێبوار هۆ ڕێی خوا نەناس
بۆ ڕوحمێ ناکەی هاوار بە ئەمنی کەساس
ئەترسم بمرم گیانە لەم دووروڵاتە
دڵ پڕ لە خۆزگە و گیانە ئۆف و ئاواتە
ئۆی خاڵۆی ڕێبوار ڕێگا نازانم
بۆ گەرمێن دەڕۆم هاوار خەڵکی کوێستانم