هەتا چنگ کەوتە سەر زوڵفت دڵم گیراوە بەو چینە
خەیاڵیشم بە لای نایە پەکوو لەو چینە پڕچینە
ساقی بۆم تێکە شەرابی حەو ساڵە
بیخۆم بە سڵامەتی ئەو تاقە خاڵە
نازدار گیان نەکەی لە کوێی
شووشەی دڵەکەم شکاوە
بێ تۆ زامدار و عەبداڵم ئەوشۆ
بێ تۆ بیمار و بێحاڵم ئەوشۆ
ساقی بۆم تێکە شەرابی کۆنە و نوێ
بەشکەم بە مەستی گوڵی دڵەکەم بپشکوێ
نازدار تۆ نەکەی لە کوێی
شووشەی دڵەکەم شکاوە
بێ تۆ زامدار و عەبداڵم ئەوشۆ
بێ تۆ بیمار و بێحاڵم ئەوشۆ
ساقی بۆم تێکە جامێ لەو شەراوە
بیخۆم بە سڵامەتی ئەو جووتە چاوە
نازدار گیان نەکەی لە کوێی
شووشەی دڵەکەم شکاوە
بێ تۆ زامدار و عەبداڵم ئەوشۆ
بێ تۆ بیمار و بێحاڵم ئەوشۆ