
وای چەندە ئازارم دەدەن پرسیارە بێ وەڵامەکان
هەزران جار بە بێدەنگی ئومێدم لە دڵا خنکان
هەتاکوو کەی خەمم کپ کەم دڵم تا کەی بەرگە دەگرێ
کێ دەزانێ ڕۆژێ چەند جار چەند خۆزگەم ون دەبێ دەمرێ
دەست بۆ هەرچی بەرم خەمە گوڵم دەوێ هەڵدەوەرێ
دەردی دڵم وا دەمکوژێ و لای کەس نییە چارەسەرێ
ژیان ماندووم دەکا خوایە ڕوو لە کوێ کەم بۆ پەنایێ
بۆ دەبێ هێندە دڵپڕ بم چیم کردووە چ خەتایێ
داخ لە دەستی ئەم ڕۆژگارە گەنجم وا پیرم دەکا
لە هەر لایێ خەم دەبارێ و دەمگرێ و یەخسیرم دەکا
گەردوون ئیدی بێتاقەتە و ڕۆژگاریش ماڵی لە خەمە
چی بکەم خەفەت بە بێباکی ئەو دەستەی لە یەخەمە
داخ لە دەستی ئەم ڕۆژگارە
بێتاقەتی دامدەپۆشێ بێبەزەیی دەوری داوم
خەفەت بەرۆکم بەر نادا هەتا ڕۆژێ لە ژین ماوم
هەموو ڕێگایەکم ونە و شەکەتی دەستی ڕۆژگارم
ناخم دەریای گریانێکە و قەت بە کەس ناگا هاوارم
دەست بۆ هەرچی بەرم خەمە گوڵم دەوێ هەڵدەوەرێ
دەردی دڵم وا دەمکوژێ و لای کەس نییە چارەسەرێ
ژیان ماندووم دەکا خوایە ڕوو لە کوێ کەم بۆ پەنایێ
بۆ دەبێ هێندە دڵپڕ بم چیم کردووە چ خەتایێ
داخ لە دەستی ئەم ڕۆژگارە گەنجم وا پیرم دەکا
لە هەر لایێ خەم دەبارێ و دەمگرێ و یەخسیرم دەکا
گەردوون ئیدی بێتاقەتە و ڕۆژگاریش ماڵی لە خەمە
چی بکەم خەفەت بە بێباکی ئەو دەستەی لە یەخەمە