ڕێبەندان گەرچی ڕێگەبەندانی
گلێنەی چاوی گەلی کوردانی
لە نێو مانگاندا جوان و ڕووسووری
لە تۆدا کراوە جێژنی جمهوری
بە کوێری چاوی پیسی بێگانە
ئەمڕۆکە جێژنی گشت کوردستانە
گەورەترین ڕۆژە دووی ڕێبەندانە
ڕێبەندان سوێند بێ بەو شەهیدانە
کە لە ڕێگای تۆدا گیانیان دانا
ڕێگایان وەرگرم زۆر بە شانازی
ڕێگات ون ناکەین پێشەوا قازی
بە کوێری چاوی پیسی بێگانە
ئەمڕۆکە جێژنی گشت کوردستانە
گەورەترین ڕۆژە دووی ڕێبەندانە
لە هەر کوێ بژیم، گەرمێن و کوێستان
لە دووی ڕێبەندان بە خۆم و دۆستان
لە دووی ڕێبەندان دەیکەم بە شادی
لە کورد پیرۆز بێ جێژنی ئازادی
بە کوێری چاوی پیسی بێگانە
ئەمڕۆکە جێژنی گشت کوردستانە
گەورەترین ڕۆژە دووی ڕێبەندانە
دەک بەخێر هاتی قەدەمت پیرۆز
بەقوربانت بێ جێژنەکەی نەورۆز
ئەوساڵ بەهارە بۆ ئێمە زستان
بمرێ دوژمنی کورد و کوردستان
بمرم دوژمنان گشت تیرۆریستان
بە کوێری چاوی پیسی بێگانە
ئەمڕۆکە جێژنی گشت کوردستانە
گەورەترین ڕۆژە دووی ڕێبەندانە
پیرۆز بێ لێتان گەلی ڕۆژهەڵات
پایتەختی کوردە سڵاو لە مەهاباد
شارەکەی قازی، پێشڕەوی وڵات
یەکدەنگ هاوار کەین بژی دیموکرات
بە کوێری چاوی پیسی بێگانە
ئەمڕۆکە جێژنی گشت کوردستانە
گەورەترین ڕۆژە دووی ڕێبەندانە