پشتی هەولێڕ چیایە ناوەڕاستی قەڵایە
قەڵام بۆیە خۆش دەوێ گیان چونکە یاری تێدایە
وەرە وەرە لانم کە سووکەڵێ دەس لە ملانم کە
لەملان و لەولانم کە نازەنین دەس لە ملانم کە
ئەمن شێت و شەیدای تۆم گیان هەواڵەی شێخانم کە
ماڵیان لە پشت قەڵاتێ فائیزە تازە دەگاتێ
داوای ماچێکی لێ بکەم گیان ئەو دووانم دەداتێ
وەرە وەرە لانم کە سووکەڵێ دەس لە ملانم کە
لەملان و لەولانم کە نازەنین دەس لە ملانم کە
ئەمن شێت و شەیدای تۆم گیان هەواڵەی شێخانم کە
مانگەشەو خۆشە مانگ لەسەرمان ئامۆزا گیان
دۆستی جوانت دەم لەسەر خاڵان ئامۆزا گیان
ئامۆزا تۆ داری سێوی باریکێ شین بووی لە کێوی
ئامۆزا تەنیا گوڵەکەم شۆڕەژن فێنکی دڵەکەم
ئەرێ یار لە سلێمانی گیانەکم بە کراسی حەو ڕەنگ
وەڵا یار لە سلێمانی گیانەکەم بە کراسی حەو ڕەنگ
ئەرێ خۆم لە غەریبی گیان وەڵا ئاوارە و دڵتەنگ
وەرە وەرە لانم کە سووکەڵێ دەس لە ملانم کە
لەملان و لەولانم کە نازەنین دەس لە ملانم کە
ئەمن شێت و شەیدای تۆم گیان هەواڵەی شێخانم کە
گیانە سلێمانی خۆشە نازەنین کیژی زۆر جوانە
وەڵا سلەیمانی زۆر خۆشە گیانەکەم کیژی زۆر جوانە
یەکێکم ڕەچاو کردووە گیان سەرتۆپی کوردستانە
وەرە وەرە لانم کە سووکەڵێ دەس لە ملانم کە
لەملان و لەولانم کە نازەنین دەس لە ملانم کە
ئەمن شێت و شەیدای تۆم گیان هەواڵەی شێخانم کە