کیژی لادێ هام بە تاسەی پەلکەڕەش سەرشانەکەت
هام بە تاسەی بەربەیانی بۆی تەنووری نانەکەت
هام بە تاسەی بۆنی مێخەک تۆی تورەنجی شاڵەکەت
ڕەنگی سوخمە و سینەپۆش و بازنە و خڕخاڵەکەت
سەردەمێکە دوور لە باڵات وا لە شارانا ئەژیم
ژین چ ژینێ چاوەکانم گیرۆدەی ئاخرشەڕیم
جار بە جارێ دێتە بیرم ژینی ڕابردووم لە دێ
سێبەری دار و تەلان و خیزەلانی دەوری ڕێ
خوڕ خوڕی فرمێسکی حەسرەت جا لە چاوم دێتە خوار
بۆ خۆم و بۆ بەختی سەرگەردانم ئەگریم جاروبار
دڵتەنگم بۆ لێوی ئاڵ و دوو دییە شەرمینەکەت
بۆ دەمئێوارانی حەوش و سوزی مەردۆشینەکەت
کیژی لادێ سەختە دووریت تاڵە ڕەنجی ڕۆژگار
ناحەزە دووری وڵات و ناخۆشە ژینم لە شار
کیژی لادێ وەختە جەرگم پڕ بە دڵ بێ بە کەواو
هێندە تێنووی ئاوی کێوم پڕ بە تاسەی کانی ئاو