گەر گوڵ نەبووی دڕکیش مەبە
بە ئازار و دڵڕەق مەبە
بڕوا مەکە سوودی هەبێ
نە لەم دونیا نە لەوی دی قەدری هەبێ
*؟ لێگەڕێ
بۆ هەڵگیرساندنی شەڕێ
بۆ داگیرساندنی خەمێ
گەر نەتوانی دەریایەک بی جۆگەبوونت ساناییە
ڕقبەخشین و خەمسپاردن بۆ دەور و بەر سوودی چییە
هەرگیز مەبە بە هەورێکی ڕەش و ماتی بەردەم هەتاو
گەر ئاو نەبوویت ئاگر مەبە با نەبیتە سووتوی جێماو
مرۆڤی دووڕەنگ دواڕۆژی ڕوونە
درەنگ بێ یا زوو ئاکامی ڕوونە
تەمەنی کورتە ئەم دڕکبوونە
با هەموو گوڵ بین، گوڵبوون تا سەر هەبوونە
مرۆڤی یەکڕەنگ هەر وەک ئاو ڕوونە
بێزارە دایم لەم دڕکبوونە
وەکوو گوڵ پاک و ناسکدەروونە
با هەموو گوڵ بین، گوڵبوون هەبوونە
*؟ لێگەڕێ
بۆ هەڵگیرساندنی شەڕێ
بۆ داگیرساندنی خەمێ
گەر نەبوویتە بەهاری جوان پاییزی بێخەزان مەبە
ئەگەر شنەی ئەوین نەبوویت تۆفانی ڕقئەستوور مەبە
لە ئاوی لێڵ هەرچی بگری وەکوو ئی ئاوی ڕوون نییە
بە دووڕەنگی ببی بە شاخ لە ناو مێژوو بەهای نییە
مرۆڤی دووڕەنگ دواڕۆژی ڕوونە
درەنگ بێ یا زوو ئاکامی ڕوونە
تەمەنی کورتە ئەم دڕکبوونە
با هەموو گوڵ بین، گوڵبوون تا سەر هەبوونە
مرۆڤی یەکڕەنگ هەر وەک ئاو ڕوونە
بێزارە دایم لەم دڕکبوونە
وەکوو گوڵ پاک و ناسکدەروونە
با هەموو گوڵ بین، گوڵبوون هەبوونە