وا نەزانی بە ئاسانی من ئەو دڵەی تۆم ئەناسی
تا دڵی تۆم بەدەست هێنا وێڵ بووم بە دوای دەنگ و باسی
لەو ڕۆژەوە وەکوو شێت وام لە دەستم دای، لە دەستت دام
حاڵی نابم لەو سەودایە تۆ گۆڕاوی یا من گۆڕام
کە من بوومە ئازیزی تۆ تەمەنی خۆم بەخشی بە تۆ
فێری سەرخەوشکاندن بووم لە باوەشی پڕسۆزی تۆ
وا نەزانی بە ئاسانی من ئەو دڵەی تۆم ئەناسی
تا دڵی تۆم بەدەست هێنا وێڵ بووم بە دوای دەنگ و باسی
تازە ڕۆیی ئەو ڕۆژانە ئێستا خەم و دەرد و ژانە
نەما چاوی چاوەڕوانی بوو بە چیرۆک ئەو ساتانە
زەمانە چیت بەسەر هێناین بۆ وا لەگەڵ یەکتر گۆڕاین
سەدان خەونی جوانمان هەبوو نەمانزانی بۆچی دۆڕاین
وا نەزانی بە ئاسانی من ئەو دڵەی تۆم ئەناسی
تا دڵی تۆم بەدەست هێنا وێڵ بووم بە دوای دەنگ و باسی