با تفەنگەکان بێدەنگ بن تەمی جەنگ لادەن لەسەرمان
خەونەکانمان مەشێوێنن سادە و جوانن وەکوو خۆمان
هاوڕێمانن درەخت و مەل، ئەستێرە و گوڵ، خۆر و ئاسمان
با ون نەبن لە نێو تۆز و دووکەڵی پشت سەنگەرەکان
دنیای ئێمە سێبەرێکە سپی سپی وەکوو بەفر
پڕە لە سەمای پەپوولە و نۆتەی گەڵا و گمەی کۆتر
جەنگ ئاگرە دۆزەخێکە و بەسەر زەمینا ڕێ ئەکات
نامۆیە بە دنیای ئێمە زمانی ئاسن و ئاگر
لە دەرگای نیشتیمانەوە تارماییەکانی جەنگ دەر کەن
لە دەرگای قوتابخانەوە فێری خۆشەویستیمان کەن
خۆشەویستی خاک، جوانی و کتێب، ژیان و مرۆڤ
با مناڵیمان نەشێوێ تفەنگەکانتان بێدەنگ کەن